Presidenti rus Vladimir Putin planifikon të marrë pjesë në samitin e ardhshëm të G20-ës në Indonezi më vonë këtë vit dhe mori mbështetje të vlefshme nga Pekini të mërkurën në një kundërshtim ndaj sugjerimeve të disa anëtarëve se Rusia mund të ndalohet nga grupi.
Shtetet e Bashkuara dhe aleatët e saj perëndimorë po vlerësojnë nëse Rusia duhet të mbetet brenda grupit të 20 ekonomive kryesore pas pushtimit të Ukrainës, thanë burimet e përfshira në diskutime për agjencinë e lajmeve ndërkombëtare “Reuters”
Kina, e cila nuk e ka dënuar pushtimin e Rusisë dhe nuk ka kritikuar sanksionet perëndimore, mbrojti Moskën të mërkurën, duke e quajtur Rusinë një “anëtare të rëndësishme” të G20-ës.
Ky i fundit është një grup që duhet të gjejë përgjigje për çështje kritike, siç është rimëkëmbja ekonomike nga pandemia COVID-19, tha zëdhënësi i Ministrisë së Jashtme kineze, Wang Wenbin.
“Asnjë anëtar nuk ka të drejtë të heqë një vend tjetër si anëtar. G20-ta duhet të zbatojë multilateralizmin e vërtetë, të forcojë unitetin dhe bashkëpunimin”, tha ai në një konferencë shtypi.
