Vetëm pak orë pasi e njohu gjykata si autoritet legjitim për të vendosur mbi PD-në, grupi i Rithemelimit i drejtuar nga Sali Berisha do të mblidhet për të vendosur për hapat e ardhshëm nëse do të shkojë që sot në selinë blu apo do të presin Apelin.
“Koha na dha të drejtë! Vota e 6 marsit na dha të drejtë! Gjykata na dha të drejtë! Sovranitet absolut anëtarësisë së Partisë Demokratike! Sot fitoi e vërteta! Fituan demokratët! Më të bashkuar, më të fortë, më të hapur!
Komisioni i Rithemelimit pritet të mblidhet sot për të marrë vendimin për hapat e mëtejshëm pasi gjykata e njohu. Ne sot do kemi një mbledhje të Komisionit të Rithemelimit pasi është i vetmi organ vendimmarrës dhe ligjor në PD. Aty do të vendosim hapat e mëtejshëm.
Në momentin që ka folur gjykata, gjithçka ka marrë fund” deklaroi Belind Këlliçi. Pas këtij vendimi reagoi deputeti demokrat, Edi Paloka. “Më në fund drejtësia u vendos,” shkruan ai.
