Pasi u rikthyer në selinë e PD, Sali Berisha ka vijuar këtë të diel turin e Foltoreve duke zhvilluar një takim me demokratët e Tepelenës, aty ku u prit me thirrjet: “O Sali, o hero, Tepelena ty të do”.
Në fjalën e tij, Berisha u bëri thirrje anëtarëve të PD të lënë mënjanë hatërmbetjet dhe të bashkohen kundër qeverisë.
“Sot, PD siç ka nevojë zogu për ajrin, ka nevojë për bashkimin e saj, ka nevojë që çdo mbështetës të lërë mënjanë çdo zemërthyerje. Të mobilizojmë energjitë tona për një betejë të rëndësishme, me atë të regjimit me të rrezikshëm, që e bazon veprimtarinë e tij në vjedhje, në krim”, u shpreh Berisha.
