Kryetari i grupit të PS-së, Taulant Balla mohoi lajmet që kanë qarkulluar ditët e fundit në media për lëvizje në qeveri. Në përfundim të mbledhjes së grupit të PS-së, Balla tha se kjo cështje nuk ka qenë në diskutim.
“Ju në fillim i lëshoni vetë këto lajme dhe mundoheni t’i verifikoni në mbledhjet e grupit parlamentar. Kjo s’ka qenë pjesë e diskutimit” tha ai.
Në disa media u raportua se disa ministra, konkretisht e bujqësisë Frida Kricfa dhe e ekonomisë Delina Ibrahimaj mund të largohen nga kabineti. Megjithatë deri në kongresin e PS-së në 9 prill gjithçka mund të ndodhë.