Kancelari gjerman Olaf Scholz i ka bërë thirrje Bashkimit Evropian që të përfundojë me shpejtësi bisedimet e anëtarësimit me vendet e Ballkanit Perëndimor dhe t’i mirëpresë ato si anëtarë.
Lajmin e bën të ditur britanikja “The Independent” që citon kancelarin gjatë një konference për shtyp.
Scholz, i cili pasoi në detyrë Angela Merkel, u shpreh se Maqedonia e Veriut dhe Shqipëria duhet të lejohen të bashkohen me BE-në.
“Çdo vonesë e mëtejshme e bën Ballkanin Perëndimor më të prekshëm ndaj ndikimit të palëve të treta”, deklaroi kreu i socialdemokratëve.
Scholz gjendej në praninë e kryeministres suedeze Magdalena Andersson.
“Është e qartë si për Gjermaninë ashtu edhe për Suedinë se BE-ja duhet të vazhdojë me reformat institucionale për ta bërë veten të aftë për zgjerim”, shtoi kancelari gjerman.
Shqipëria dhe Maqedonia e Veriut janë vende kandidate për anëtarësim në BE që nga viti 2020.
27 presidentët dhe kryeministrat e BE-së nuk u fokusuan në pranimin në BE në samitin e Këshillit Evropian javën e kaluar në Bruksel.
Javën e kaluar Scholz tha gjithashtu se duhet të pranohet anëtarësimi i Ballkanit Perëndimor në BE për të siguruar paqen
