Mesditën e sotme kryeministri Edi Rama ka mbledhur në vilën 30 në Tiranë ministrat e kabinetit. Rama është filmuar duke folur në telefon ndërsa hyn në ambientet e vilës që ndodhet përballë Kryesisë së Kuvendit.
Tema e diskutimit ende nuk dihet, por aktualiteti është shumë i “nxehtë”. Mbledhja vjen vetëm pak minuta pasi SPAK i kërkoi Kuvendit heqjen e imunitetit për të arrestuar deputetin socialist Alqi Bllako.
Pasdite rikthehen protestat kundër qeverisë për rritjen e çmimeve. Ditët e fundit në media është folur për lëvizje në kabinet.
