Ndërsa në Turqi kanë nisur bisedimet për arritjen e një marrëveshje që do të sillte paqen, në Ukrainë përditësojnë bilancin e luftës, duke bërë të ditur se deri tani janë vrarë më shumë se 17 mijë ushtarë rusë.
Kjo është bërë e ditur nga Ministria e Mbrojtjes e Kievit në përditësimin e saj të përditshëm në Twitter.
“Që nga 24 shkurti, janë rrëzuar 127 luftëtarë rusë, 129 helikopterë dhe 71 dronë. Forcat ukrainase shkatërruan gjithashtu 597 tanke të Moskës, 1,710 automjete luftarake të blinduara, 54 njësi të mbrojtjes ajrore, 96 sisteme raketash, 1,178 automjete, 73 cisterna furnizimi me karburant, 21 njësi pajisje speciale, katër sisteme raketash, balistikë me rreze të shkurtër veprimi, 303 sisteme artilerie dhe shtatë anije”, thuhet në njoftim.
