39-vjeçari Nuredin Dumani deri dje ishte një nga njerëzit më të kërkuar të drejtësisë shqiptare, pasi akuzohet për disa vrasje.
Ai kishte arritur të shpëtonte disa herë, por mbrëmë, pasi e kapën plumbat në Cërrik, u largua duke u arratisur për disa orë në Fier, por u prangos në krevat në momentin që po mjekohej nga plaga që kishte në kurriz.
Për të humbur gjurmët, Dumani kishte ndryshuar “look”. Në foto duket momenti, kur kaçurreli gjysmë i zhveshur, me pranga në duar dhe i fashuar në shpinë merret nga policia.
Dumani është dërguar në Spitalin e Traumës, si pasojë e plagës, ku ndodhet jashtë rrezikut për jetën.
Spitali është blinduar nga forca të shumta policie.
