Burime nga spitali i Traumës kanë bërë të ditur se Nuredin Dumani ka marrë një plumb pas shpine që i ka preku edhe mushkëritë gjatë shkëmbimit të zjarrit në Papër të Elbasanit, pasditen e së martës.
Pas arrestimit në një banesë ku fshihej në Fier, ai u dërgua te Trauma në Tiranë , ku i është nënshtruar një operacioni kirurgjikal. Dumani ka plagë me armë zjarri në mushkëri, ndërsa është në mjekim intensiv, pak më i stabilizuar se dje.
Edhe pse i është nënshtruar ndërhyrjes së parë, plumbi nuk i është hequr, pasi ka komplikacione të shumta në mushkëri. I është vendosur një aparaturë për pastrimin e mushkërisë dhe më pas do të futet në operacion për heqjen e plumbit.
