Në momentin që kryeministri Edi Rama mbaroi fjalën, Sali Berisha kërkoi për të replikuar, por drejtuesja e seancës Ermonela Felaj ia dha Enkelejd Alibeaj si kryetar grupi, i cili ia pasoi Jorida Tabakut.
Sali Berisha vrapoi jashtë për të folur për gazetarët. Ai nuk kishte kritika për kryetarin e grupit që i dha fjalën Tabakut, por tha se Felaj u frikësua dhe Edi Rama ia mbathi nga Kuvendi.
“Rama dërdëlliti një orë e ca dhe ia mbathi. Felaj e kuptoi që unë do ta demaskoja, ai iku dhe ajo nuk më dha fjalën dhe unë dola përpara jush për të shfrytëzuar fjalën.
Opozita sapo do të zgjidhet problemet do i presë biletën kësaj qeverie. Ideja jonë është bashkimi. Procesi i kapërcimit të pasoja në bazë po ecën shumë mirë” tha ai.
I pyetur për nisjen e procesit për zgjedhjen e presidentit nga shumica socialiste, Sali Berisha akuzoi Edi Ramën.
“Kanë nisur punën për të blerë deputetë, do të dështojnë me turp. Po nuk njohën grupin dhe vazhduan praktikën e blerjes do të dështojnë me turp të madh” tha Berisha.
