Policia e Gjirokastrës ka bërë me dije se 3 persona janë plagosur mbrëmjen e sotme, pas një aksidenti automobilistik në aksin rrugor Tepelenë-Gjirokastër.
Aksidenti ka ndodhur në orën 20:35, në vendin e quajtur Gërhot. Një makinë Ford, me drejtues shtetasin me iniciale E. D., rreth 20 vjeç, banues në Gjirokastër, ka dalë nga rruga dhe është përplasur me bordurën anësore.
Për pasojë është dëmtuar drejtuesi i automjetit, i cili u transportua në spital për të marrë ndihmën mjekësore, si dhe kanë marrë dëmtime të lehta dy pasagjerët që ndodheshin në automjet.
