Einxhel Shkira dhe Dj Dagz kanë tre muaj që po shijojnë romancën e tyre të dashurisë. Gjithçka lindi brenda shtëpisë së “Big Brother VIP”, por edhe jashtë saj ata janë gjithmonë bashkë.
Në postimet në rrjetet sociale, ata duken mjaft të dashuruar dhe nuk mungojnë dedikimet romantike. Ndërkohë për tre mujorin e lidhjes, moderatorja e njohur mori një dhuratë nga Arbëri që nuk është aspak e zakontë.
Dagz e ka surprizuar të dashurën e tij meee… Shrek. Ata kanë parë filmin e animuar bashkë dhe Einxhel ka ndarë me ndjekësit në rrjetet sociale video nga mbrëmja romantike.
Dj i njohur më pas e ka rishpërndarë në “Instastory” duke shkruar me humor: “Vetëm një dhuratë për 3 mujorin tonë të parë”.
Dyshja kanë treguar nëpër intervista se janë duke jetuar bashkë herë në Tiranë e herë në Prishtinë në varësi të angazhimeve të tyre dhe se ende nuk e kanë vendosur se ku do jetojnë përfundimisht.
