Nuredin Dumanit iu dha dje masa arrest me burg. Dumanit iu komunikua masa në spitalin e Traumës në Tiranë, ku po merr mjekim, pasi mbeti i plagosur në përplasjen me armë zjarri që pati me Talo Çelën në Papër të Elbasanit.
Ndërkohë që sot gjykata i ka komunikuar sërish një tjetër vendim për arrest me burg për vrasjen e vëllait të Talo Çelës, Bujar Çela. Dumani e ekzekutoj Çelën në shtator të 2020, ai u qëllua nga tre lloje armësh tip pistoletë dhe mori 21 plumba në trup.
Dumani u vu në pranga para dy ditësh vetëm pak orë pasi ishte plagosur pas përplasjes me armë që pati me Talo Çelën në Papër të Elbasanit. Pas atentatit ai u plagos dhe u strehua në Fier, por që u kap nga policia.
