I vetmi deputet shqiptar në parlamentin serb, Shaip Kamberin, flet për situatën në rajonin e Ballkanit pas luftës që është duke u zhvilluar prej më shumë se një muaji në Ukrainë.
Ai foli për të ardhmen e Serbisë pas zgjedhjeve të së dielës, por edhe pozicionimin e saj. Deputeti shqiptar theksoi se nuk është Serbia ajo që garanton stabilitetin e rajonit.
Presioni i Perëndimit ndaj Serbisë për të vendosur qëndrimet e saj, për të marrë rrugën e duhur dhe për t’iu shmangur ekuilibrimit që po e zbaton me vite dhe në mënyrë të suksesshme, me Pekinin, Moskën, Uashingtonin dhe Brukselin. Serbia do të duhet të orientohet përfundimisht në njërën anë. Serbia, e cila pavarësisht se është nostalgjike ndaj Rusisë, pavarësisht interesave strategjike me Rusinë, e ka të vështirë të marrë anën e lindjes, ndërkohë që investimet e saj, në masën më të madhe, varen nga investimet e BE.
“Nëse Serbia do të merrte një përkrahje të drejtpërdrejtë ndaj Rusisë, mund të jetë një bazament që Moska mund ta përdorte për të destabilizuar Ballkanin. Megjithatë, situata nuk është kaq e thjesht, pavarësisht nostalgjive historike që kanë me Rusinë. Serbia është shumë e varur nga Perëndimi. Ajo është e rrethuar nga NATO dhe nuk është Serbia ajo që garanton stabilitetin rajonal, është prezenca e NATO gjithandej që nuk do ta lejojë një Serbi të Vuçiç apo të dikujt tjetër që të destabilizojë Ballkanin”, tha Shaip Kamberin.
Sa i përket zgjedhjeve të së dielës në Serbi, Kamberi theksoi se nuk pret ndryshime të mëdha.
