Gjermania do të marrë përkohësisht kontrollin e një njësie të Gazprom-it në vend pasi kërkon të ruajë sigurinë e furnizimit me gaz.
Gazprom Germania GmbH – pronar i furnizuesit të energjisë Wingas GmbH dhe një firmë magazinimi gazi – do të jetë nën kujdesin e rregullatorit gjerman të energjisë deri më 30 shtator, tha Ministri i Ekonomisë Robert Habeck.
Kjo do të thotë se Agjencia Federale e Rrjetit do të marrë rolin e një aksionari dhe mund të marrë të gjitha masat e nevojshme për të garantuar sigurinë e furnizimit, tha ai. Qeveria nuk do të marrë përfundimisht pronësinë e kompanisë.
Filialet e Gazprom në Evropë po vihen nën presion pasi klientët dhe partnerët e biznesit refuzojnë të bëjnë biznes me ta, duke rritur perspektivën se disa nuk do mund të mbijetojnë.
