Eduart Dauti është administratori dhe aksioner me 90 % i kompanisë “ALBA EXOTIC FRUIT”.
10 % të aksioneve i ka Barjon Gumeni, i cili është shfaqur në këtë kompani në vitin 2013. Barjon Gumeni u arrestua në 13 korrik të këtij viti, pas kapjes së ngarkesës së radhës prej 11 kg e 650 gramë kokainë në kontejnerin e kompanisë.
Ai ka ndryshuar emrin dhe është vëllai i Eduart Dautit.
Në shtator të 2019, 4 kontejnerë nga Ekuadori u pikasën në portin e Pireut, ku policia greke konstatoi se gjendeshin 137 kilogramë kokainë me destinacion Portin e Durrësit.
Kompania që kishte porositur bananet me kontenierët ku ishin fshehur 137 kg kokainë ishte pikërisht “Alba Exotic Fruit” e Eduart Dautit.
Në 13 Korrik të vitit 2021, u gjet 15 kilogramë kokainë. “Alba Exotic Fruit” është me seli në Kombinat, Tiranë, dhe operon në treg që nga viti 2011, ndërsa pronarë të saj janë Eduart Dauti dhe Barjon Gumeni.
Kompanisë “Alba Exotic Fruit” i është gjetur kokainë në kontenierët me banane për herë të fundit më 12 tetor 2021, ku u kapën 10 kilogramë e 185 gramë kokainë.
