Policia holandeze arrestoi mbrëmjen e së mërkurës një 39-vjeçar nga Shqipëria. Ai dyshohet se ka kryer më shumë se njëqind vjedhje banesash në zonën e Arnhem dhe Velp.
Shqiptari vepronte gjithmonë në të njëjtën mënyrë: hapte vrima në dorezat e dyerve ose dritareve për të hyrë.
Valë vjedhjesh në veri dhe jug
Ndërkaq, edhe zonat Arnhem-Noord janë prekur nga vjedhjet për një kohë të gjatë nga 39 vjeçari shqiptar.
Thuhet se hajduti është parë disa herë në Heijenoord. Ka pasur edhe raportime nga lagjet Klarendal, Paasberg dhe Angerenstein.
Shqiptari vidhte në banesat e holandezëve kryesisht bizhuteri dhe para. Ai hynte në shtëpitë në katin përdhes, dhe më pas i merrte të gjitha hyrjet me radhë, shkruajnë mediat holandeze.
Pas vjedhjeve në veri të vendit, ai u zhvendos në jug, për të ‘boshatisur’ shtëpitë e holandezëve.
