Ish-kryeministri Sali Berisha kërkoi sqarime nga drejtësia lidhur me orët e fundit të lirisë së ish-deputetit Alqi Bllako përpara arrestimit.
“Zërat thonë se u arratis në Greqi nga qafë bota dhe u kthye me helikopter, janë zëra, se fakte nuk kam. Njeriu i fundit që takoi Bllakon në Tiranë është vetë Edi Rama në një nga vilat qeveritare. Zëra janë” tha ai.
Sali Berisha akuzoi gjithashtu pushtetin për dënimin e këngëtarit Boiken Lako. “U dënua se nuk pranoi t’i thurë këngë “brand”-it të Milva Konomit, Zeusit të Bilalit apo Skënerbuçit të Spiropalit.
Ai qëndroi këngëtar i pasioneve dhe idealeve të tij, pasardhës i një artisti shqiptar me një kontribut të madh. Gjetën ta dënojnë 3 vite burg se paska hapur një dritare pa leje, kur ndërtohen kate mbi kate pa leje. Dënoj këtë vendim” tha ai.
