Presidenti Ilir Meta do i përgjigjet edhe vetë Erion Veliajt pasdite, i cili tha sot se nuk na duhet një tjetër kryetar shteti që sipas tij “kalon kohë banaqeve, gjysmë i dehur” referuar ish-aleatit të mandatit të parë të socialistëve. E ndërsa një përgjigje për kryebashkiakun fillimisht e kishte zëdhënësi i Presidencës, vetë Ilir Meta njoftoi një konferencë shtypi pasdite.
“Të dashur qytetarë, Në respektin tuaj, por edhe të delegatëve të Kongresit të PS, për shkak të shpifjeve të programuara nga Organizata Kriminale e inceneratorëve, sot pasdite do të zhvilloj një konferencë shtypi, ku do të jem i hapur për çdo pyetje. Për shkak të censurës në disa nga mediat që financohen me paratë e inceneratorëve, ju ftoj të më ndiqni live në profilin tim zyrtar në Facebook” shkruan ai.
