Në raundin e dytë më 24 prill përballen Macron dhe Le Pen.
Macron gjendet para sfidës për të mobilizuar përkrahësit dhe bindur kritikët (sidomos te e majta) për të votuar për të. Para raundit të parë nuk ka qenë aq aktiv në fushatë dhe ka besuar se vetëm angazhimi për t’i dhënë fund luftës në Ukrainë i ndihmon në fushatë.
Le Pen është kandidatja e Moskës në zgjedhjet franceze. Ekstremiste e djathtë, kundërshtare e BE-së, ka deklaruar se NATO duhet të shpërbëhet. Partia e saj ka marrë kredi nga një bankë ruse. Në fushatë ajo është fokusuar në gjendjen e vështirë ekonomike të shumë francezëve.
Jaen-Luc Mélenchon është komunist ekstrem, antieuropian, i përzemërt ndaj Rusisë. Në fushatë është përpjekur të duket si politikan me agjendë ekologjike. Ka shkruar shpesh kundër ndërhyrjes së NATO-s në Kosovë dhe kundër pavarësisë së Kosovës.
Éric Zemmour – një racist i tmerrshëm. Më shumë s’duhet thënë për të.
Valérie Pécresse – kandidate e republikanëve (konservatorëve). Rezultati i dobët i saj është dëshmi se herët apo vonë partitë e paguajnë faturën për shkak të korrupsionit. Ish-presidenti Sarkozy dhe ish-kryeministri Fillon tashmë janë dënuar për shkak të korrupsionit.
Rezultati trishtues i zgjedhjeve është ky: 57% e zgjedhësve francezë kanë votuar për kandidatë popullistë apo ekstremistë.
28,1% – Emmanuel Macron
23,3% – Marine Le Pen
20,1% – Jaen-Luc Mélenchon
7,2% – Éric Zemmour
5% – Valérie Pécresse
