Gjykata e Posaçme ka lë në fuqi kërkesën e SPAK-ut për efektivët e përfshirë në skandalin e korrupsionit në doganën e Morinës.
Kështu që ajo ka lënë në fuqi katër pezullimet, 12 arrestet e shtëpisë dhe 15 arrestet me burg.
Prokuroria e Posaçme ka dokumentuar 312 episode të veprimeve korruptive të punonjësve të policisë kufitare të Morinës.
Seanca gjyqësore nisi dy orë me vonesë për shkak të mos kryerjes së procedurave të shoqërimit të të pandehurve në kohë.
Hetimi erdhi pas kallëzimit penal nga Shërbimi për Çështjet e Brendshme dhe Ankesat, mbi dyshime për përfshirjen e disa prej punonjësve të policisë në Pikën e Kalimit Kufitar Morinë në veprimtari të paligjshme për veprat penale “Korrupsioni pasiv i personave që ushtrojnë funksione publike”, parashikuar nga neni 259 i Kodit Penal “Kontrabandës me mallra, për të cilat paguhet akcizë”, si dhe “Ndihma për kalim të paligjshëm të kufijve” etj.
