Disa ditë më parë në Vlorë u tentua të vidhnin dy makina, por për shkak të problemeve teknike autorët nuk mundën, por ju vunë flakën atyre.
Kamerat e sigurisë në lagjen 15 tetori kanë filmuar dy persona të maskuar me kapele dhe maskë. Mësohet se ata kanë shkuar për te vjedhur të dyja makinat por ka qenë e pamundur. Një prej makinave nuk ndizej si pasojë e baterisë së shkarkuar kurse tjetra ka qenë e pamundur për t’u hapur. Ne pamundësi për t’i vjedhur dy personat i kanë sperkatur me benzinë e dhe i kanë djegur.
Ndonëse të maskuar, 2 autorët janë filmuar nga dy kamera sigurie në hyrje të lagjes “Karabash“. Pas djegies së dy makinave ata kanë tentuar të vjedhin një tjetër makinë në rrugën Transballkanike pranë një karburanti por që janë pikasur nga pronari dhe janë larguar me vrap.
Policia dhe grupi hetimor është duke parë kamerat e sigurisë për të zbërthyer lëvizjet e autorëve dhe për të bërë të mundur identifikimin e fytyrave.
Burime nga prokuroria e Vlorës bëjnë me dije se tentativa e vjedhjes së dy makinave mund të përdorej për ndonjë ngjarje në Vlorë.
