Gazmend Bardhi ka dhënë një deklaratë për mediat direkt pas daljes së tij nga mbledhja e PD-së.
Ai ka treguar dhe arsyen pse ish kryetari i PD-së, Lulzim Basha nuk ka qenë pjesë e mbledhjes ditën e sotme. Sipas Bardhit, Basha ishte duke zhvilluar disa takime në degët e PD-së.
E ndërsa shtoi se ai vetë nuk i është bashkuar Bashë në takimet të tilla dhe se nuk ka pas një ftesë nga ai.
“Çdo deputet apo anëtar i PD është i lirë të takohet me demokratë në Shqipëri. Basha ka qenë kryetar për 8 vite dhe sigurisht ka detyrimin për të takuar çdo demokrat qoftë edhe për t’i thënë faleminderit. Basha ka qenë në disa prej degëve të qarkut të Elbasanit. Nuk kam pasur njoftim dhe as nuk i jam bashkuar takimeve të tilla”, tha Bardhi.
