Qeveria e Kosovës sot mban mbledhjen e radhës. Kryeministri Albin Kurti bashkë me ministrat e tij, do ta nisin mbledhjen në orën 10:00.
Në mesin e pikave të rendit të ditës, është edhe projektligji që i hap rrugë rritjes së pagës minimale.
Këtë e ka bërë ditur Kurti përmes një konference mëngjesin e së martës, duke treguar se paga minimale do të rritet dhe do të hiqet tatimi për 250 euro pagë.
“Në mbledhjen e ardhshme të Qeverisë, do të miratojmë Projektligjin, që do t’i hapë rrugë rritjes së pagës minimale në 264 euro bruto apo 250 euro neto dhe heqjen e tatimit për pagën 250 euro”, tha Kurti dje në konferencën për media.
