Pavarësisht zhvillimeve të fundit, Serbia vazhdon me qëndrim të njëjtë në drejtim të Kosovës, por edhe të Rusisë.
Kjo është konfirmuar së fundi edhe nga ministri i brendshëm serb Aleksandar Vulin.
Vulin deklaroi se edhe pas marrëveshjes së Brukselit në vitin 2012, ata asnjëherë nuk e njohën shtetin e Kosovës.
“Edhe pas marrëveshjes së Brukselit në vitin 2012, ata çdo ditë thonin se do ta njohim Kosovën, por Aleksandar Vuçiç nuk e bëri këtë dhe nuk do ta bëjë. E njëjta vlen edhe sa i përket sanksioneve ndaj Rusisë”, deklaroi ai.
Vulin bëri të ditur se presidenti serb, Aleksandar Vuçiç, sot në ora 11:00 do të deklarohet në lidhje me zhvillimet e fundit sa i përket Kosovës dhe Rusisë.
Serbia vazhdon të jetë nga vendet e vetme që nuk ka sanksionuar Rusinë, pavarësisht agresionit të vazhdueshëm ndaj Ukrainës.
Madje së fundi ministrja e Jashtme e Gjermanisë tha se Serbia duhet të ketë parasysh këtë çështje, në rast se do t’i bashkohet Bashkimit Evropian.
