Prokuroria e Posaçme kundër Korrupsionit dhe Krimit të Organizuar ka depozituar në Gjykatën e Lartë rekursin për dosjen e Saimir Tahirit.
Gjykata e Apelit e dënoi ish-ministrin në datë 4 shkurt të këtij viti me 3.4 vite burg dhe tashmë po vuan dënimin në burgun e Fierit.
Por asnjëra nga palët nuk është e kënaqur. SPAK kërkon dënimin për të gjitha akuzat me 12 vite burg dhe jo vetëm për shpërdorim detyre.
Apeli la në fuqi vendimin e mëparshëm të shkallës së parë me të vetmin ndryshim, rrëzoi pezullimin e dënimit duke e konsideruar atë të pabazuar.
Tashmë prokurorët e çështjes, Dritan Prençi dhe Vladimir Mara kërkojnë dënimin edhe për trafik narkotikësh dhe grup të strukturuar kriminal.
Por, gjithashtu edhe pala mbrojtëse nuk është e kënaqur dhe nesër pritet që të çojë rekursin me argumentet e tyre në Gjykatën e Lartë.
Beteja vazhdon jashtë, Tahiri vuan dënimin pas hekurave.
