Këtë të dielë do të zhvillohen zgjedhjet për kryetar të degës së PD-së në Kukës.
Votimi do të nisë në orën 10:00 deri në 17:00 në pallatin e kulturës “Hasan Prishtina”.
Sekretari i përgjithshëm i PD-së Fasli Germizi ka njoftuar të gjithë anëtarët të votojnë.
Kandidatët e konfirmuar që do të garojnë për kreun e PD-në në Kukës janë:
1- Admir Sinamati
2- Irel Elezi
NJOFTIMI I PLOTË:
Te nderuar anëtarë të Partisë Demokratike, anëtarë të organizatave partnere : LDG dhe FRPD – Dega Kukës; Në zbatim të Udhëzimit Nr. 5 dhe Udhëzimit Nr. 5/1(i ndryshuar) për zgjedhjen e kryetarit të degës , anëtarëve të kryesisë dhe delegatëve të Kuvendit Kombëtare, u përcjell njoftimin e Komisionit të Organizimit dhe Kontrollit te Operacioneve Elektorale të PDSH-së, për miratimin e kandidaturave dhe organizimin e zgjedhjeve për kryetar të PD – Dega Kukës
– Kandidaturat e miratuara janë: 1- Admir Sinamati dhe 2- Irel Elezi
Zgjedhjet mbahen ditën e diel më 17.04.2022
Më herët, i njëjti process është zhvilluar edhe në degë të tjera, ndërkohë që ka pasur kontestime nga deputetë të PD, të cilët pretendojnë se të zgjedhurit janë anëtarë dhe mbështetës të grupit të Rithemelimit. Deri më tani zgjedhje ka pasur në Mallakastër, Roskovec, Fier, Selenicë dhe Fushë-Krujë.
