Kryeministri i Kosovës, Albin Kurti, bashkë me zëvendësministren e Punëve të Jashtme dhe Diasporës, Liza Gashi, priti në takim një delegacion nga Unioni i Bizneseve Shqiptaro-Gjermane, të drejtuar nga Kryetari i këtij Unioni, Nazmi Viqa.
Kryeministri Kurti i falënderoi për angazhimin dhe kontributin që kanë dhënë si platformë ekonomike në mërgim. Ai foli për mundësitë që Kosova ofron për investime dhe i njoftoi për themelimin e Gjykatës Komerciale që pritet të funksionalizohet brenda dy muajve të ardhshëm e që beson se do të rrisë sigurinë juridike për bizneset vendore dhe investimet e huaja.
Duke u shprehur interesimin për të krijuar një partneritet të ngushtë me diasporën, kryeministri tha se mirëpret gjithë sipërmarrësit nga jashtë që bashkë edhe me partnerët e tyre ndërkombëtarë të investojnë në Kosovë, me prioritet në prodhim të produkteve.
Ndër të tjera, në takim u diskutua edhe për sfidat që kanë bizneset.
