Rrjeti terrorist i Shtetit Islamik ka shpallur një “ofensivë globale” të re kundër Evropës dhe Izraelit në një përpjekje për t’u hakmarrë për vdekjen e liderit të tij në një sulm të forcave speciale amerikane në fillim të këtij viti.
Në një mesazh në Telegram grupi u tha mbështetësve të tij xhihadistë që të përfitonin nga shpërqendrimi i Perëndimit me luftën në Ukrainë për të organizuar sulme terroriste.
Në një fjalim të gjatë të zbuluar në internet, Abu-Omar al-Muhajir, zëdhënësi i ri i ISIS-it , tha se pushtimi rus ishte një “mundësi” për grupin pasi kombet jomuslimane ishin “të preokupuara” me konfliktin .
Ai gjithashtu inkurajoi militantët që të hakmerren për vdekjen e liderit të grupit Abu Ibrahim al-Qurayshi, i cili u vra në shkurt gjatë një operacioni të forcave speciale amerikane në Siri.
