Detaje të reja janë publikuar nga ngjarja e ndodhur mbrëmjen e së martës në Shkodër, ku fillimisht u raportua për të shtëna me armë zjarri.
Mësohet se 28-vjeçari Edi Reçi është qëlluar me armë dhe ka marrë një plumb në gjurin e djathtë në ngjarjen e ndodhur në lagjen Perash.
Mësohet se policia është njoftuar nga urgjenca e spitalit të Shkodrës, ndërsa më pas policia doli edhe me një deklaratë për mediat.
“Më datë 19.04.2022, rreth orës 22:00, në lagjen “Perash”, Shkodër, në rrethana ende të paqarta, është plagosur me armë zjarri në këmbë, shtetasi E. R., 28 vjeç, banues në lagjen “Partizani”, Shkodër, i cili ndodhet jashtë rrezikut për jetën”, njofton policia.
