Pasditen e sotme grupi parlamentar i Partisë Demokratike do të diskutojë vendimin dhe qëndrimin për ftesën e mazhorancës qeverisëse për të diskutuar gjetjen e një emri për president konsensual.
Kreu i grupit, Enkelejd Alibeaj u shpreh paradite se “do të mbajmë qëndrim pas një diskutimi për të gjithë këtë proces”.
Grupi i deputetëve të PS ka propozuar secili deputet nga 3 emrat, gjë të cilën Enkelejd Alibeaj e konsideroi jo transparente dhe jo në përputhje me Kushtetutën.
