Këtë të mërkurë, rreth orës 16:15, në Lushnje është ka ndodhur një plagosje me armë në zonën e ish stacionit të trenit.
44-vjeçari, Kujtim Meta ka marr dy plumba në bark dhe është dërguar me urgjencë në drejt spitalit të Traumës. Policia ka bërë me dije për detajet e reja të zbuluara nga vendngjarja, nga ku ka zbuluar se shënjestra mund të mos ketë qenë 44-vjeçari.
Kujtim Mema
Meta jetonte në Saravë, të Lushnjës dhe punonte me kamion për të siguruar jetesën për familjarët e tij. Po ashtu nga informacionet e policisë rezulton se Kujtim Meta nuk ka pasur precedentë penal dhe as nuk është konfliktuar me persona të tjerë. Duke qenë se ai është qëlluar në një lokal të zonës, ku ishte duke pirë kafe, policia ka aluduar se autori nuk ka pasur si qëllim të qëllonte atë.
Autori
Direkt pas njoftimit policia ka shkuar në vendngjarje dhe ka ngritur postblloqe në qytetet, por deri më tani nuk dihet asgjë për autorin. Nga pamjet e para të kamerave të zonës është zbuluar se autori ka qenë duke ecur në këmbë në momentin që ka gjuajtur mbi Metën, por identifikimi i tij është i vështirë për shkak se ai ka qenë i maskuar, mbante syze të zeza dhe kapuç.
