Duke nisur që nga 1 maji, paga minimale në Greqi do të rritet në 713 euro, duke pësuar një rritje totale prej 9,7%.
Siç nënvizoi Mitsotakis, kjo është një rritje prej 50 euro në muaj duke filluar nga 1 maji. Nga kjo rritje pritet të përfitojnë edhe emigrantët shqiptarë që jetojnë në Greqi.
“Ky ndryshim i dukshëm i pagës bazë e rrit edhe pagesën e papunësisë me 31 euro çdo muaj. Është në të njëjtën kohë një thirrje për punëdhënësit që të kalojnë në përputhje me kategoritë e tjera të punonjësve”, nënvizoi Mitsotakis, duke shpjeguar përfitimet për të papunët.
“Në çdo vështirësi do të jem pranë jush”, premtoi kryeministri.
I vetëdijshëm për pagat e ulëta, kryeministri u shpreh se plagët e krizës financiare dhjetëvjeçare nuk janë shëruar.
