Ministrja e Jashtme, Donika Gërvalla, ka marrë sërish fjalën në mbledhjen e Këshillit të Sigurimit të OKB-së, ku diskutohej për Kosovën.
Gërvalla u është përgjijgur përfaqësuesve nga Rusia dhe Serbia.
Ajo ka thënë se Rusinë e pengon çdo sukses i Kosovës, ndërsa shtoi se kur Rusia flet për UÇK-në i kujtojnë njerëzit trima që po luftojnë tani në Ukrainë.
“NATO erdhi për ta ndalur gjenocidin. E kuptoj pse Rusia është agresive ndaj Kosovës, sepse ajo është agresive nga çfardo suksesi që Kosova përfaqëson. Të jem këtu e të dëgjoj Rusinë që flet për UÇK-së, më kujton njerëzit trima që po mbrojnë Ukrainën”, tha Gërvalla.
Ajo më tej tha se është krenare që përfaqëson gra e burra të UÇK-së që luftuan për popullin e tyre.
“Jam shumë krenare që përfasoj sot një shtet, ushtarë, gra e burra të UÇK-së, që kanë mbrojtur popullin e tyre, shtëpitë e tyre dhe e them prapë se jam shumë krenar për këtë”, shtoi Gërvalla.
