Autoriteti portual në Vlorë ka bërë të ditur se ka pezulluar lundrimin e mjeteve të vogla në det si pasojë e moti të keq me shi dhe erë që pritet të përfshijë qytetin bregdetar në orët në vijim.
Pritet që kjo situatë të zgjasë në dy ditët në vijim, deri në pasditën e 23 prillit.
Reshjet e shirave pritet të nisin sonte në mbrëmje, ndërsa nesër pritet të ketë një shtim në nivelin e tyre. Sot moti ka qenë i qetë në të gjithë vendin. Mesdita është shoqëruar me reshje shirash, ndërsa temperaturat kanë ruajtur një nivel mesatar.
