Të dielën Franca shkon në raundin e dytë të zgjedhjeve Presidenciale. Kandidatët Emmanuel Macron dhe Marine Le Pen, po zhvillojnë ditën e fundit të fushatës elektorale.
Presidenti aktual pranoi dështimin e tij në zbutjen e zemërimit të qytetarëve. Le Pen e ka përdorur këto pakënaqësi për të shtyrë përpara fushatën e saj duke premtuar politika kundër emigracionit dhe ka sinjalizuar një largim të mundshëm nga BE.
Macron ka një avantazh prej 10 pikësh në sondazhe ndaj rivales së tij euro-skeptike. Ashtu si në raundin e parë, edhe votimi i kësaj të diele pritet të karakterizohet nga abstenimi masiv.
Kjo pasi një pjesë nuk ndihen të përfaqësuar nga dy kandidatët në garë, dhe pjesa tjetër kundërshtojnë disa nga politikat e Macron dhe Le Pen.
