Oficerët doganorë kanë bastisur një depo të dyshuar për posedim të mallrave të kontrabanduara. Në periferi të Prishtinës, Dogana e Kosoves ka ushtruar kontroll në një vend të dyshimtë ku gjeti 8346 litra vaj makinash të kontrabanduar, me origjinë nga Irani.
“Vlera këtij malli llogaritet të jetë mbi 10,000 euro dhe shmangiet nga detyrimet doganore janë rreth 7,000 euro” thuhet në njoftimin e Doganës.
Rasti i është paraqitur Prokurorisë Themelore në Prishtinë për hetim, ndërsa vaji është sekuestruar.
