Një mjedis fantazmë, i përbërë me shpërthime, aksidente, bastisje të mundshme dhe sabotazhe.
Ngjarje që ndodhën në territorin rus pranë kufirit me Ukrainën.
Diçka e ngjashme me atë që është parë në Iran, i cili prej kohësh është skenë e episodeve që i atribuohen rastësisë apo agresionit, në varësi të momentit.
Vetëm pak më parë një një zjarr i dyfishtë, përfshiu cisternat e Bryansk, një qytet rus rreth gjysmës së rrugës midis Moskës dhe Kievit.
Videot e regjistruara nga kamerat e vëzhgimit tregojnë momentin e shpërthimit.
Së bashku me pamjet, dalin dhe hipotezat: nga një dështim teknik te një sulm i kryer me raketa, nga dora e hakerëve te bastisja nga qielli.
Nuk është aksidenti i parë.
Më 30 mars, një instalim ushtarak shpërthen në Belgorod, Rusi, rreth 50 kilometra larg kufirit ukrainas.
Shpërthimi – i cili përfshiu një depo raketash – u shkaktua nga një sulm natën nga ukrainasit, ndërsa dikush pretendoi se ka qenë një aksident i ndodhur gjatë transportit të municioneve.
Kalojnë disa ditë dhe më 1 prill Moska denoncon një sulm të ri që ndodhi gjithashtu në Belgorod, kundër një depoje nafte.
Kievi në të vërtetë e mohon, por rusët besojnë se goditja është goditur nga dy helikopterë ukrainas, të cilët fluturuan deri në agim në lartësi të ulët në territorin armik pa u kapur.
Më 14 prill ka një sulm të tretë të raportuar nga rusët në rajon: dy helikopterë – argumentojnë ata në Moskë – kanë goditur të paktën gjashtë ndërtesa në Klimovë, edhe pse pa shkaktuar viktima civile.
