Kryeministri Edi Rama, së fundmi ka treguar se KESH do të prodhojë energji elektrike nga panele diellore.
Përmes një postimi në Facebook ai ka theksuar se ky është i vetmi projekt në llojin e tij i realizuar në rajon.
Centrali fotovoltaik është i vendosur në Vaun e Dejës.
“Korporata Elektroenergjetike Shqiptare do të nis të prodhojë energji elektrike nga centrali fotovoltaik i Vaut të Dejës, i pari projekt i realizuar i këtij lloji në vendin tonë dhe në rajon⚡️
Burimet alternative të energjisë nga panelet diellore dhe centralet fotovoltaike lundruese janë një rrugë e re për të krijuar siguri dhe rezerva energjitike💡” është shprehur ai.
