Policia ka publikuar pamjet nga xhirimet e filmit Rust, duke përfshirë edhe pasojat e goditjes fatale të një kinematografi nga aktori Alec Baldwin, raporton BBC.
Halyna Hutchins, 42 vjeç, u qëllua nga z. Baldwin ndërsa ai po provonte me atë që ai besonte se ishte një armë e sigurt.
Aktori, i cili ishte gjithashtu producent i filmit, më parë tha se nuk e tërhoqi këmbëzën dhe nuk e kishte idenë se si u shfaq një plumb i vërtetë në xhirimet pranë Santa Fe në shtetin amerikan të New Mexico.
Regjisori i filmit, Joel Souza, u plagos gjithashtu në të shtënat në fermën e Bonanza Creek pranë Santa Fe.
Regjisori përshkruan gjithashtu sesi armatura Hannah Gutierrez Reed ia kishte dorëzuar armën Baldëin-it, duke thënë se ishte “e pastër”, që do të thotë se supozohej se nuk përmbante fishekë të vërtetë.
Rust Movie Productions u gjobit me 136,793 dollarë (104,810 £), maksimumi i lejuar nga ligji shtetëror në Neë Mexico, pas një hetimi gjashtë mujor nga departamenti i mjedisit të shtetit.
Aktori vazhdon të luftojë me një sërë procesesh gjyqësore që rrjedhin nga incidenti. Rastet janë ngritur nga mbikëqyrësja e skenarit Mamie Mitchell, kreu i ndriçimit Serge Svetnoy dhe familja e Hutchins.
