SPAK po zgjeron radhët dita ditës. Prokuroria e Posaçme sot ka shpallur procedurën e konkurrimit për tetë vende vakante për Hetues në Sektorin e Hetimit Financiar. Këta hetues do të kenë përgjegjësi të kryejnë verifikime financiare dhe pasurive të personave nën hetim dhe të raportojnë rezultatet tek prokurorët e posaçëm kompetentë.
Aplikantët duhet të kenë diplomë në drejtësi, në financë apo në fusha të tjera përkatëse, të lidhura me fushën e hetimeve financiare. Por edhe një eksperiencë pune jo më pak se dy vjet si oficerë të policisë gjyqësore. Më pas do i nënshtrohen përzgjedhjes që përbëhet nga 4 faza. Afati i aplikimeve dhe dokumentacionit shoqërues përfundon më 12 maj 2022.
