Ditën e sotme në qytetin e Sarandës, është shoqëruar në polici një minoren, pasi i është gjetur një thikë në çantën e shkollës.
Njoftim
Shërbimet e Komisariatit të Policisë Sarandë, në bashkëpunim me Drejtorinë Arsimore, bazuar në informacionet e grumbulluara për nxënës që mund të mbajnë armë të ftohta me vete, kanë ushtruar kontroll në një prej shkollave të mesme të qytetit të Sarandës.
Gjatë kontrollit të përbashkët të ushtruar në këtë shkollë, është gjetur një thikë, të cilën një nxënës 17 vjeç e mbante në çantën e librave.
Nxënësi është shoqëruar në ambientet e Policisë, së bashku me psikologun, drejtorin e shkollës dhe prindërit e tij.
Nën drejtimin e Prokurorisë po kryen veprimet për procedimin e tij, në gjendje të lirë.
