Kryeministri Edi Rama ka bërë ndalesën e radhës në fabrikën e peshkut në Dukat të Vlorës, ku ka parë nga afër përpunimin e peshkut për eksportin e tij.
“Në Dukat, ku me mbështetjen e Ministrisë së Bujqësisë e Zhvillimit Rural është ngritur një fabrikë për përpunimin e peshkut, me të gjitha standardet e sigurisë ushqimore për tregtimin në vend, si edhe eksporte të markës “VloraFish”, shkruan Rama në Facebook.
Ndërkohë që nuk kanë pasur fund as batutat e bëra mes kryeministrit dhe njërit prej peshkatarëve të fabrikës.
Rama: Ku je gjigand, ku je o i madh,
Peshkatari: Na rrofsh sa male,
Rama: Për portin e peshkimit e ke marr lajmin që po bëjmë një super punë, Edhe tragetet do t’i spostojmë që të kenë një vend të veçante. Aty do jeni juve që do ta menaxhoni. Koha ikur shpejt punët ndonjëherë marrin më shumë punë, e del një gjë, jo bie tërmet, jo pandemia jo plas lufta. Janë gjëra që dalin rrugës dhe nuk i kemi në dorë. Ndonjëherë shtyhen projektet, por ne nuk i ndahemi.
Ndërkohë që teksa po bënte një foto të fundit ai është shprehu se tashmë Babalen e ka gjetur në Dukat.
“Ky është Babalja jo ai,” ka thënë Rama.
