Glauk Olldashi kërkoi që “Rithemelimi” i PD-së të ketë në fokus rininë shqiptare. Djali i Sokol Olldashit u shpreh se epoka e re duhet të ngrihet mbi vlerat e së djathtës dhe jo si e keqja më e vogël përballë pushtetit.
“Rinia është zemra e PD-së, prandaj duhet të jetë në fokus të PD-së. Qëllimi i PD-së duhet të jetë përtej rrëzimit të PS-së. Qytetarët nuk duhet të zgjedhin të keqen më të vogël, por duhet të tregojmë vlerat tona konservatore.
Të kërkojmë mbështetjen për vlerat dhe idealet dhe jo se kundërshtari po shkatërron vendin. Nuk mjafton të mblidhemi njëherë në dy vite dhe të akuzojmë kundërshtarët apo bëjmë politikë në media. Fillim duhet të tregojmë çfarë është e djathta, të kthehemi në shembull, jo vetëm në Shqipëri, por edhe rajon.
Procesi që kemi nisur na zgjoi. Kemi mundësinë ta bëjmë PD-në më të mirë sesa ka qenë edhe kur ka qenë fituese. Gjithçka është në dorën tonë. Slogani që kemi sot është i bukur, por mua do të më pëlqente “fillim i ri, bashkë rikthehemi shpejt” tha ai.
