Mëngjesin e 2 majit Korça është tronditur nga një krim në familje, ku nëna prej një muaji kishte futur foshnjën në valixhe. Për pasojë foshnja e porsalindur kishte ndërruar jete.
Mjekia neuro-psikiatre Nikolina Bode, është shprehur për mediat se familjarët e kanë konstatuar shtatzëninë e 40-vjeçares në muajin dhjetor të vitit të kaluar, atëherë kur shtatzënia ka qenë e dukshme.
Ata kanë tentuar ta vizitojnë, por 40-vjeçarja ka kundërshtuar. Gruaja sipas mjekes është diagnostikuar me probleme të shëndetit mendor 3 vite më parë por nuk pranonte të mjekohej.
Po ashtu, bëhet e ditur se 40-vjeçarja ka thënë se fëmijën e ka lindur dikush tjetër dhe jo ajo.
