Dedë Pllanaj, kushëriri i Bardhok Pllanajt ndodhet i shtruar në spitalin e Traumës në Tiranë për shkak të plagëve të plumbave që mori mbrëmjen e së shtunës pasi u tentua që të vritej.
Ai ka treguar përpara grupit hetimor momentin kur u qëllua, por ka theksuar se autorët nuk i njohu.
“Isha i ulur te puna në karburant. Në një moment erdhi një motoçikletë, drejtuesi i saj ishte me kaskë. Zbriti dhe u afrua drejt meje dhe më qëlloi.
Nuk ia pashë fytyrën, nuk e di kush ishte. Unë personalisht nuk kam konflikte dhe nuk e di kush mund të jetë dhe pse më sulmoi” tha ai.
Bardhok Pllanaj i njohur si “kumbari” i Shkodrës u ekzekutua mbrëmjen e 4 prillit të vitit të shkuar me breshëri plumbash kallashnikovi. Autorët ende nuk janë kapur.
