Ambasada e SHBA në Tiranë ka uruar besimtarët myslimanë për Fitër Bajramin. “Në emër të Ambasadës së Shteteve të Bashkuara në Tiranë, ne u përcjellim urimet tona më të ngrohta të gjithë atyre që festojnë sot Fitër Bajramin. Kjo festë shënon fundin e Ramazanit, një muaj mirënjohjeje, dhembshurie dhe bujarie nëpërmjet veprimeve të agjërimit, lutjes dhe bamirësisë.
Këto veprime kanë një kuptim më të thellë sot, ndërsa bota është bashkuar për të dënuar dhunën e paprovokuar, brutale të Rusisë ndaj popullit të pafajshëm të Ukrainës. Pavarësisht të gjitha sfidave me të cilat përballemi të gjithë së bashku, shpresojmë dhe urojmë që ky vit të sjellë paqe, shëndet dhe gëzim në familjet e të gjithëve” mbyllet mesazhi.
