Ndeshja mes Tiranës dhe Teutës duhej të mbyllej me festën e titullit të radhës për bardheblutë. Por në fakt është mbyllur me pamje të turpshme, pasi policia është dashur të hyjë në fushë për të mbrojtur gjyqtarin nga sulmi i lojtarëve të bardhebluve.
Këta të fundit, kanë protestuar për vendimet e gjyqtarit Laver Alla duke iu vërsulur këtij të fundit sapo mbylli sfidën dhe u desh ndërhyrja e forcave të sigurisë për të mbajtur larg lojtarë si Bekaj e Totre teksa më pas ishte drejtori sportiv Tefik Osmani ai që largoi vetë futbollistët.
Edhe Osmani nuk i shmangu disa batuta ndaj gjyqtari i cili u rrethua nga policia, që e shoqëroi jashtë fushës së lojës në këto momente të fundit të sfidës.
Gjithçka vazhdoi edhe me një breshëri sendesh të hedhura drejt tij nga tribuna qendrore, duke e kthyer atë që duhej të ishte festa e titullit, në një spektakël të shëmtuar.
