Dosje e bujshme nga Italia. Pas Saimir Tahirit, autoritetet italiane kanë në dorë një tjetër hetim të thellë që mund të çojë pas hekurave edhe zyrtarë të lartë në Shqipëri për ndihmë për trafikantët e drogës.
Një trafikant i penduar i Ndraghetas ka pranuar që të bashkëpunojë me drejtësinë italiane pasi u arrestua duke rrëfyer gjithçka që di mbi linjën dhe organizimin e trafikut të drogës dhe lidhjen me një ministër shqiptar.
I penduari Antonio Guastalegname 54 vjec, i arrestuar në kuadër të megaporcesit të emërtuar “Rinascita Scott” ka zbardhur lidhjet e bosëve mafiozë të Ndranghetas me emra të rëndësishëm të politikës shqiptare.
Trafikanti ka deklaruar se Valerio Navarra ishte personi që kishte lidhje të ngushta me elementët shqiptarë. “Informacionin ma ka dhënë një shqiptar me emrin Eduard ose Robert” tha ai, që sipas hetuesve bëhet fjalë për Robert Lazajn 50 vjeç.
I penduari Antonio Guastalegname, e ka njohur Robert Lazajn në fotografinë e dëshmuar nga prokurorët italianë duke e identifikuar si personi që prezantohej si familjar i afërt i ministrit të qeverisë shqiptare dhe që garantonte mbulimin e këtyre trafiqeve.
“Më propozoi ta shisja direkt, pa ndërmjetës dhe për të më joshur nënvizoi lehtësinë me të cilën ata mund të organizonin importet e duke u mbështetur në “mbështetjen e qeverisë shqiptare” (shprehja e tij) në sajë të së cilës ata mund të përballonin sasi të mëdha pa frikë nga kontrollet.
Konfirmoj se ky është personi të cilit i referohesha dhe është i afërmi i ministrit të qeverisë shqiptare që ka siguruar mbulimin e këtyre trafiqeve.
Ky i fundit (Robert Lazaj) kishte mbështetjen e qeverisë shqiptare, nëse më kujtohet mirë subjekti i korruptuar ishte ministri i Drejtësisë ose i Brendshëm ose në çdo rast një figurë e rëndësishme politike shqiptare” tha Antonio Guastalegname, sipas mediave italiane, që kanë zbardhur dëshminë.
