Presidenti Ilir Meta përmes një shkrimi në Facebook ka ngritur shqetësimin e largimit të mjekëve nga Shqipëria.
Sipas tij shërbimet janë përkeqësuar dhe kjo është pasojë e dëmeve të pallogaritshme që prodhoi mjekësia koncensionare, korruptive dhe e trajtimeve fiktive.
Kreu i Shtetit thotë se duhet të ndalet sa më parë largimi i mjekëve nga Shqipëria dhe kjo sipas tij do të ndodhë vetëm kur të çmontohet kapja e sistemit nga pak duar oligarkësh.
“Largimi i mjekëve dhe i infermierëve duhet të ndalet dhe do të ndalet vetëm kur të çmontohet kapja e sistemit nga pak duar oligarkësh të cilët po mbajnë peng shëndetin e popullit, por edhe karrierën dhe të ardhmen e profesionistëve të shëndetit.Koha për të ndalur këtë shkretim të programuar nga “Rilindja”!”, shkruan Meta.
